Энэ оны эхний хагас жилд ашигт малтмалын нөөц ашигласны төлбөр 1.3 их наяд төгрөгөөр буюу 61.7 хувиар буурчээ. Энэ нь татварын нийт орлого буурахад голлон нөлөөлсөн байна.

Тухайлбал, татварын нийт орлого энэ оны эхний хагас жилд 12.2 их наяд төгрөг болсон ба энэ нь өмнөх оны мөн үеэс 1. 1 их наяд төгрөгөөр буурсан байна. Мөн орлогын албан татварын орлого 524.7 тэрбум төгрөгөөр буурчээ. Харин нийгмийн даатгалын орлого 463.1 тэрбум төгрөгөөр буюу 22 хувиар өссөн аж.

Дээрх хугацаанд уул уурхай, олборлолтын салбарын борлуулалт өнгөрсөн оны мөн үеэс 8.8 хувиар буураад байна. Нийт 1.8 их наяд төгрөгөөр буурсан аж. Манай улс гадаад зах зээлд энэ оны эхний хагас жилийн урьдчилсан гүйцэтгэлээр 16.7 их наяд төгрөгийн борлуулалт хийсэн ба үүний 16.2 их наяд төгрөг нь уул уурхай, олборлох салбарын борлуулалт байна.