АНУ-ын Ерөнхийлөгч Д.Трамп ОХУ-д хандан Украин дахь дайныг 50 хоногийн дотор зогсоохыг шаардлаа. Мөн дээрх хугацаанд тохиролцоонд хүрэхгүй бол Оросын худалдааны түншүүдэд "маш хатуу татвар” ногдуулна гэж мэдэгджээ.

Тус мэдэгдлийн дараа газрын тосны үнэ мягмар гарагт 0.72 хувиар буурч, баррель нь 68.7 ам.долларт хаагдлаа. Хятад, Энэтхэг, Турк зэрэг улсууд нь Оросын газрын тосны хамгийн том худалдан авагчид юм.

ОХУ-ын газрын тосны экспорт зургадугаар сард өмнөх сарынхаас 3.4 хувиар буурч, 8.98 сая тоннд хүрснийг Ройтерс агентлаг мэдэгдээд буй.