АНУ-ын Ерөнхийлөгч Д.Трамп ОХУ-ын Ерөнхийлөгч В.Путин нар наймдугаар сарын 15-нд уулзана. Тэд Аляскад уулзахаар тохиролцсон байна. Тус уулзалтад Украины Ерөнхийлөгч В.Зеленский оролцохгүй. Тус уулзалтаар Украин дахь дайныг эцэслэх талаар хэлэлцэх ба Трампын Засаг захиргааны зүгээс ОХУ-ын чухал худалдааны түншүүдэд тарифын шахалт үзүүлэхээ анхааруулаад байсан юм.

Өнгөрсөн баасан гарагт Трамп, "Зарим газар нутгийг хоёр талдаа ашигтайгаар солилцох болно" гэж Цагаан ордонд сэтгүүлчдэд мэдэгдээд буй. Харин Зеленский "Киевийн оролцоогүй аливаа хэлэлцээр нь энх тайвны эсрэг, хүчингүй шийдвэр байх болно" гэж мэдэгдэв.

Трамп АНУ-ын Ерөнхийлөгчийн сонгуулийн үеэр "Украины дайныг 24 цагийн дотор эцэслэнэ, хэрвээ би Ерөнхийлөгч байсан бол дайн болохгүй байх байсан" гэж мэдэгдээд байсан билээ.